Украин улсын Киев хотод болж буй чөлөөт бөхийн уламжлалт олон улсын ХҮIII тэмцээний эхний өдөр манай эрэгтэй бөхчүүдээс 55 кг-ийн жинд олон улсын хэмжээний мастер Т.Даваахуяг, 66 кг-ийн жинд олон улсын хэмжээний мастер Б.Батзориг нар дэвжээнд гарснаас Б.Батзориг хоёрдугаар тойрогт АНУ-ын бөх Кевин Леваллег 1:0, 1:0 онооны харьцаагаар хожиж алтан медалийн төлөө барилдаанд Гүржийн бөх В.Хинчигашвилид ялагдан мөнгөн медаль хүртжээ.
Тэмцээний хоёр дахь өдөр эрэгтэйчүүдээс 60 кг-ийн жинд олон улсын хэмжээний мастер Г.Мандахнаран, 74 кг-ийн жинд олон улсын хэмжээний мастер П.Өнөрбат, спортын мастер Ч.Батчулуун нар, эмэгтэйчүүдээс 51 кг-ийн жинд олон улсын хэмжээний мастер Д.Отгонцэцэг барилдана.
Эрэгтэй
55 кг 1. Владимир Хинчигашвили /Гүрж/
2. Арсен Курамагомедов /ОХУ/
3. Яшар Алиев /Азербайжан/
3. Мукола Айвазан /Украин/
66 кг 1. Андрей Стадник /Украин/
2. Буянжавын Батзориг /Монгол/
3. Андрей Наготний /Украин/
3. Андри Кватковский /Украин/
84 кг 1. Дато Марсагишвили /Гүрж, 2011 оны ДАШТ-ний хүрэл медальт /
2. Ахмед Магомедов /ОХУ/
3. Илья Хамикоев /Азербайжан/
3. Давид Бичинасвили /ХБНГУ/
120 кг 1. Давид Мозанашвили /Гүрж, 2011 оны ДАШТ-ний хүрэл медальт/
2. Чад Ханке /АНУ/
3. Сослан Гаглоев /Словак/
3. Александр Коцановский /Украин/