“Ард түмний төр” хяналтаа улам сайжруулсаар байна. Тэд одоо хэн юу гэж амласан зэргээс эхлээд одоогоос дөрвөн жилийн өмнөх үйл явдлыг өнгөт зургийн хальс шиг тодоор өгүүлэх болов. Тэгээд ч сонгуулийн луйвраас ард түмнийг аврах чухал гарц ердөө л энэ. Өөрөөр хэлбэл нэгээрээ бус нийтээрээ УИХ-ын гишүүдэд дахин санал өгөхгүй хорлож чадна гэсэн үг л дээ. Тэгээд ч хууртаж ханана гэж байдаг бол тийм хугацаа өнгөрөхөөр болжээ. Тэгвэл энэ эгзэгтэй цаг мөчид эрээ цээргүй хандсан гэдгээ мэдэхгүй, мэдэхийг ч хүсэхгүй яваа Ховд нутгийн гишүүн С.Бямбацогт юу гэж бүлтэрснийг харвал өгзөг улайхад ч багадахаар зүйл болох байлгүй.

Малчин бүрийг нийгмийн даатгалын нэрийн данстай, эрүүл мэндийн даатгалтай болгоно гэсэн байгаа юм аа. Ёстой л хулхин дээр цэцэг ургуулна гээч нь энэ байх. Гэтэл одоо Ховд нутагт нэрийн данс, эрүүл мэндийн даатгалтай малчин байтугай амины малтай айл зудтай өвөл Жунай сайд хоёрын хариуцлагагүйн буянаар тун бага үлдээд байна. Дээрээс нь ихэнх нутгийн малчдын дийлэнх хувь нь өр, зээлтэйн улмаас “ХААН”, “ХАС” банкны малыг хариулж байхад эрхэм түшээ өдийд амлалтаа мартчихсан, худлаа бодлогоширсон дүр үзүүлээд сууж байдаг. Бас болоогүй ээ, ахмад настанд үзүүлэх дэмжлэг тэтгэвэрийн доод хэмжээг гурав дахин нэмэгдүүлнэ хэмээн хувиралгүй өгүүлж, амандаа өсгөгч тулгаж байгаад айхавтар чангаар хэлсэн гэх. Эр хүн хэлсэндээ байх, ичих нүүрээ элгэндээ наах гэх мэт үг бол энэ эрхэмт огт хамаагүй. Зүгээр л дахин яаж хулхидах вэ...

Энэ бол түүний болоод нөхдийнх нь ойрд төлөвлөөд буй хамгийн гэрэлт мөрөөдөл.

Харин тэрбээр эр хүн шиг байгаад амлалтаа биелүүлчихсэн бол өндөр настан хөгжлийн бэрхшээлтэй иргэдэм тангаа сохор зоосч гарздахгүй үнэ төлбөргүй авч хэрэглэх байлаа. Мөн эмчилгээ сувилгааг дугаар дараалал байхгүйгээр барахгүй дуртай үедээ хүссэн цагтаа үнэ төлбөргүй авах байлаа. Мөн С.Бямбацогтын буянаар гэх үү, ивээлээр Ховд аймгийн бүх багш, сурган хүмүүжүүлэгчид аль өнгөрсөн жил зөөврийн компьютертэй болчихсон байх байв. Хэрэв түүний амлалт биелсэн бол шүү дээ. Даан ч юм бүхэн эсэргээрээ байгаа нь түүнийг “Ард түмний төр” энэ цаг үед ариусган шүүхэд хүргээд байгаа юм. Гэтэл багш бүрт компьютер олгох тухай асуудал аз болж Засгийн газрын хөтөлбөрт багтчихсан байгаа. Ганцхан үнэн зүйлийг хэлэхэд үүнд С.Бямбацогтын оролцоо “түй” ч байгаагүй юм. Үнэндээ идэр есийн хүйтэнд дагжин чичрэх бүрт түүний амлалт бодогдож, улам зовоохыг нь яана. Бүр нүгэл нь нүдээ ялгахаан байж ядахдаа айл бүрийн цахилгаан дулааны үнийн 60 хувийг төр, засгаартөлүүлдэг болгоно байхдаа яах вэ дээ. Энэ бол түүний сонгуулиар амласан төдий л үг, өгүүлбэрүүд... Харин энэ мэт хулхидагчдад “Ард түмний шүүх” ямар дүн тавих бол гэдэг Хатан Туул тэргүүтний шалбааг намаг нь ханхийсэн тийм л сайхан цаг дор илэрхий болно доо. Сайхаан сайхан.

 Д.Булган

 

 

Суртaлчилгаа

Суртaлчилгаа