Өнгөрсөн хоногт нийслэлд ахуйн хүрээнд архи хэтрүүлэн хэрэглэж, бусдын биед хүнд гэмтэл учруулсан хэрэг тав гарсаныг цагдаагийн байгууллага бүртгэн шалгаж байна. Бусдын биед гэмтэл учруулсан хэмээн бүртгэгдэн шалгагдаж байгаа гэмт хэргийн дийлэнх нь хамтран амьдрагчийнхаа эрүүл мэндэд халдсан байв. Баянзүрх дүүргийн 21дүгээр хорооны оршин суугч 32 настай эрэгтэй Г-ын зүрхэн тус газар энэсарын 18-ны 01.50цагийн орчим эхнэр 21 настай Б нь хамт архи ууж байгаад маргалдан хутгалж гэмтээсэнийг тогтоосон байна. Мөн Сонгинохайрхан дүүргийн 25дугаар хороонд хүн зодуулж, гэмтсэн байна гэсэн мэдээллийг энэсарын 17-ны 23.55цагтавч шалгахад, мөн дүүргийн 25дугаар хорооны иргэн 36 настай эрэгтэй Ч-ийн толгойд 55 настай эрэгтэй С согтуурсан үедээ гэр бүлийн маргаанаас болж заазуураар зүсэж, гэмтээснийг тогтоосон байна. Түүнчлэн мөн хорооны “Хайрханы 13-29 тоотод зодоон болоод байна” гэсэн мэдээллийг 23:20цагтавч, шалгахад, 27 настай эмэгтэй А-ыг хамтран амьдрагч 28 настай эрэгтэй Н гэгч согтуурсан үедээ “мөнгө өгсөнгүй” гэж  зодож гэмтээснийг тогтоосон байна. Дээрх хэргүүдийг харьяа дүүргийн цагдаагийн хэлтэст үргэлжүүлэн шалгаж байна.  

Суртaлчилгаа

Суртaлчилгаа