Аймаар юм. Хэдхэн цагийн өмнө Налайх дүүргийн “ХААН” банкны салбарт буу шийдэм барьсан нөхөр орж, гал нээгээд сүйд болжээ. Кинон дээр гардаг шиг л нүдэнд өртсөн нөхрөө хувирал байхгүйгээр чиглүүлж байгаад шууд буудаад унагасан юм гэнэ. Арай л баг өмсч, утасны сүлжээ энэ тэрийг нь таслаагүй юм байх. Хэрэв тэгсэн бол улаан хөлтэй “юм” урдуураа гишгүүлэхээргүй зориг зүрхтэй айхавтар амьтан дуулдаад байгаа. Одоогоор хоёрын хоёр хүний биеийн байдал энэ халдлагын улмаас хүндхэн байгаа тухай сэтгүүлчид ам уралдан мэдээлж байна.

Учир ийм байхад “Хохь чинь” гэлтэй биш. Гэхдээ л энэ үгийг олон хүн хэлж байгаа гэдэгт эргэлзэх зүйлгүй.

Тэгээд ч “юм” хэмжээнээсээ, шунал савнаасаа хэтрэхээр заавал нэг буруу зүйл болдог нь үйлийн үр юм шиг байгаа юм. Иймд маш товчхондоо Монголын ард түмэн болоод гэмт хэргийн ертөнц бүхэлдээ “ХААН” банкинд өс санах болоод цөөнгүй жилийг хөдөөлүүлээд байгаа. Дээрээс нь малчдын ихэнх нь өр зээл гээд өөрийнхөө хөрөнгийг биш ХААН банкны малыг хариулж яваа. Төрийн болоод төсвийн ажилчид бүгд цалингийн зээлтэй эсвэл лицентэй. Мөн баяр ёслол бүрээр сугалаа, урамшуулал зэргийг зарлаж дандаа худлаа хэлдэг гээд ХААН банкны хамааралтай амьдрал дунд үр хүүхэд нь бойжиж, залуу үе нь боловсорч байна. Ийм болохоор тэр олон мянган хүний өс хонзонг л бодлогогүй нэг этгээд авах гэж зориг шулуудсан хэрэг байхаас зайлахгүй.

Тэгээд ч үнэндээ ХААН банкыг хайрлах хүн даан ч Монголд алга. Бүр тэргүүлэгч, Тэрбумтан энэ тэр гэдэг банкны маань ажилтан хүртэл хүний данснаас бузар аргаар мөнгө угааж байгаад баригдсан ч удаа байгаа. Тэгэхээр осолдолгүй л нэг юм гадаадууд болоод харь улсын эзэн албан хаагч нь муу санаж явдаггүй байх. Яасан ч гэж муу санах билээ, мөлжлөг нь маш урамтай болоод амттай байхад.

Түүнээс иргэд бол хэцүүхэн зүйлийг бодож яваа даа. “За гайгүй ээ нэг нартай өдөр боломж гарвал дэлбэлнэ дээ”гэсэн бодолтой нөхөд хэтрүүлж хэлэх зүйлгүйгээр олон бий.

Тэгвэл яагаад бусад банк руу буутай этгээд халдаагүй вэ? гэж асуугаад хариулт хайгаад үзье. Хариу нь маш товчхон ч байж магад. Учир нь мэдээжмонголын “том”мөнгө энд эргэлдэж байдгийг, хэдэн толгой малыг нь хувьдаа авчихаад байгааг хэн хүнгүй гадарлаж байгаа.

Тэгэхээр халдаг, дайралт энэ тэр гэж сүр бадруулан харуул хамгаалалтаа сайжруулаад бараг хэрэггүй л болов уу. Хүн нэмж аваад бүр ч дэмий байх. Харин монголчуудын дүргүйцлийг хянадаг хүн л хэрэгтэй болж дээ.

Ядахад гадаад эзэнтэй гэдгийг нь дуулаад “Ардын төр” ажилаа эхэлж байгаа нь энэ ч юм бил үү хэн мэдлээ. Тэгвэл хэн “ХААН” банкинд хайртай вэ...?

  

Д.Билгүүн

 

 

 

 

 

 

 

 

 

 

 

 

Суртaлчилгаа

Суртaлчилгаа