Дархан-Уул аймагт  дуу дуугаа авалцсан дэлбэрэлт болж, оршин суугчдыг түгшээх болжээ. Есөн давхар орон сууцны таван давхарт баллон дэлбэрч,  олон хүн орох оронгүй болсон гашуун мэдээ намжаагүй байдал  “Дархан гурил тэжээл” ХК-ийн үйлдвэрт дэлбэрэлт болсон юм. Будааны агуулахад гарсан уг дэлбэрэлт өчигдөр 12:36  цагийн үед гарсан байна.  Дэлбэрэлт дахин гарч болзошгүй байгаа тул хэргийн газар ОБЕГ-ын дарга Ц.Амгаланбаатараар ахлуулсан ажлын хэсэг ажиллаж, өдөртөө 2-3 удаа хуралдаж байгаа юм. Комиссынхон  30 метр өндөртэй, зургаан метр диаметртэй  цлиндерүүдийн аль нь дэлбэрч, аль нь аюулгүй болох талаар  нарийвчилсан  шалтгааныг хийж байгаа аж. Хэдийгээр будаа устгалд оруулах үеэр уг цлиндер дэлбэрсэн гэж байгаа ч албан бус эх сурвалжийн өгсөн мэдээгээр Хятад руу гаргах гэж байсан будаатай цлиндер дэлбэрсэн. Энэ нь хэн нэгний санаатай үйлдэл байж болзошгүй гэж хардаж байгаа аж. Дашрамд дуулгахад, "Дархан-Гурил тэжээл"-ийн үйлдвэр  1980-аад онд ашиглалтад орж байсан бөгөөд 54 мянган тн буудай хадгалах элеваторын 3 корпусын 83 селостой. 1 селос нь 30м өндөр, 6 метрийн диаметртэй,  багтаамж нь 500тн буудай хадгалах хүчин чадалтай юм байна.

Суртaлчилгаа

Суртaлчилгаа